COVID-19 e bile tlhohlo gape e sa le tlhohlo ka gore ke selo se sefsa go rena. Bjale ka mong wa kgwebo, ke filwe maikarabelo a go kgonthiša gore ka moka bao ba bego ba itshepetšego go nna ga ba tlogelwe kgakaganegong goba ba bolawa ke tlala, gomme se se be se sa akaretše balapa la ka fela. Pele Mopresidente a tsebiša ka dikiletšo tša mesepelo ngwaga wa go feta, ke beeleditše sekgoba sa ka le Balaodi ba ka hoteleng gore re kgathe tema tlhahlong ya bošego ka moka. Tlhahlo e be e le ya gore re tle ka mekgwa ye mefsa go kaonafatša kgwebo. Kopano yeo e re thušitše ka gore se sengwe le se sengwe seo re boledišanego ka sona, se re thušitše go lwantšhana le mathata a COVID-19 le pele re ka tseba ka COVID-19”.

Re ile ra kgona go godiša dithekišo tša rena gomme ra swarelela go se fetogefetoge ka go kalatša. Go na le COVID goba go se na COVID, re swanela go tšwetša pele dikgwebo tša rena. Itšhireletše ka go apara sešira molomo le dinko, go hlwekiša diatla ka sehlwekiši le go se batamelane le batho ba bangwe. O se ke wa emiša se sengwe le se sengwe, seo o se dirago.

Go dula ke nagana tše dibotse nakong ya leuba go nthušitše go sepetša kgwebo ya ka ka katlego, ke kgonne le go ithekela sefatanaga se sefsa sa BMW M4. Se ga se bolele gore ke kaone go feta ba bangwe, ke ka lebaka la gore ke bona mohola wa leloko le lengwe le lengwe mo sehlopheng sa ka.

Ke bile ka kgwebong ye nako ye telele gomme go no swana le dikgwebo tše dingwe ke bile le ditlhohlo, eupša nako le nako ke kgonne go emelela ka leka gape. Ke ka moo kgwebo ya ka e atlegilego ka gona.

Ka BBB, ke hweditše lethabo ka go thuša setšhaba sa gešo. Ke kgonne go thuša basadi bao ba bego ba sa kgone go bala le go ngwala gore ba kgone go iphidiša. Ke kgonne go thuša bana bao ba hlokago go hwetša thuto, gomme ke abelane sebaka sa BBB le banna bao ba sa šomego bao ba nago le kgahlego gore ba kgone go fepa malapa a bona. Le ge re dira dikgwebo gore di re hole, ga gona sa go kgotsofatša go swana le go thuša batho ba bangwe bao ba hlokago.

Bjalo ka rakgwebo, o moetapele gomme go bohlokwa go eta pele batho ka tsela ya maleba. COVID-19 e dirile gore go sepetša dikgwebo tša rena go be boima ka gore re be re sa kgone go kopana go swara dikopano le ditlhahlo. Re a leboga, ka baka la go šoma ka maatla ka kgwebong le mogau wa Modimo, ke kgonne go agela lapa la ka ntlo gomme ke agile dintlophahlo tše pedi tša Puer le BBH.

Baabi ba swana le batswadi, gomme re hloka go aba le go hlokomela bao ba itshepetšego go rena. Ke dumela mo go direng dilo ka mokgwa wa BBB.

Ke tseba le go hlompha bohlokwa bja go abelana sebaka le batho bao ba se a hlwago ba ekwa ka kgwebo ye. Ke kwešiša gape bohlokwa bja go hlohleletša bao ba lego ka kgwebong eupša ba sa šome gabotse, goba ba gopola go tlogela kgwebo ka lebaka la ditlhohlo tšeo ba lebanego le tšona.

Go ba ka kgwebong ye go nyaka gore o be le kgotlelelo ka gore go šoma le batho ga go bonolo, ka moka ga rena re a fapana ka gona re ka se dule re dumelelana goba re bona dilo go swana. Ke hlahlošitše Balaodi ba go fapana le Moabi wo tee go tloga mola ke bago ka go BBB. Eba le kgotlelelo go wena le go kgwebo ya gago, rata seo o se dirago, gomme kgwebo ya gago e tla gola

Cairo le mosadi wa gagwe Nkhensani Mongwe ba bopa segwera se matla. Ba dula Tzaneen, Profenseng ya Limpopo, gomme ba bile kgwebong ya Botle Buhle Brands go tloga ka 2006.

“Ge mosadi wa ka a joina kgwebo ye bobedi bja rena re be re šoma. Ke be ke šoma khamphaning go tša ditšhelete gomme yena e le office administrator. Re be re na le ntlo ya RDP le dintlo tše tharo tša go rulelwa ka bjang. Cairo o re, Bobedi bja rena re be re šoma eupša re sokola ka tšhelete,”

Ka baka la go šoma ka thata le thekgo e tšwago monneng wa gagwe, Nkhensani o ile a hlatlošwa go ba molaodi 2011. Ka morago Cairo, yoo le yena a ilego a joina kgwebo yeo mathomong a bego a e bitša “kgwebo ya basadi,” o ile a hlatlošwa go ba molaodi.

Go ya ka Cairo, “sephiri sa go atlega ke go diriša sekgoba seo Botle Buhle Brands e go neago sona ke moka o fofe le sona.” O oketša ka gore, “Re dirile gore kgwebo ye e be ya rena. Ka go tsentšha batho le go rekiša re ile ra gola go tloga go balaodi ba bane go ya go ba masomepedi seswai e bile re kgauswi le go hlatloša moabi o moswa.”

Botle Buhle Brands e ba neile sebaka sa gore ba tliše phetogo setšhabeng sa gabo bona ka go hlama mešomo le go fetoša maphelo a batho. Lehono ba na le sehlopha sa batho ba fetago sekete.

“Re lwantšhana le tshokolo gare ga batho ba gabo rena le go fetoša maphelo a rena. Lehono re na le ntlo ya diphapoši tše lesome le dikoloi tše mmalwa bakeng sa go dirišetša kgwebo le mabaka a rena. Ba ga Mongwe bare, ka Botle Buhle Brands motho le ge e le ofe ka fetoša bophelo bja gagwe gore bo be kaone.”

Pele ke tsenela BBB mengwaga ye 15 ya go feta, ke be ke šoma moepong. Mogolo wa ka o be o sa kgone go hlokomela lapa la ka, gomme ka seo, mafelelong ke ile ka fokotšwa mošomong. Go palelwa ke go fepa lapa la gago go boima, go ka dira gore o lahlegelwe ke seriti sa gago, kamogelo le tlhompho. Mosadi wa ka yo a hlokofetšego le bana ba ka ba nkamogetše le ge tše ka moka di be di direga, eupša go palelwa ke go ba fepa go ntirele gore ke ikwe ke fokola.

Ke leboga BBB, gonabjale ke mong wa kgwebo, mofepi wa lapa la ka le moetapele setšhabeng sa gešo.

Ka lebaka la BBB, gonabjale ke otlela sefatanaga sa Toyota Hilux le Mercedes Benz. Ke thwetše gape batho bao ba bego ba nyaka mošomo gomme ka kalatša ba bangwe bao ba bego ba nyaka sebaka sa kgwebo. BBB e fetotše bophelo bja ka y abo dira gore bo be kaone gomme go tsenela kgwebo e bile hlogonolofatšo bophelong bja ka.

Miranda Machedi o joinne Botle Buhle Brands ka 2008 ge a be a tšea kgwebo ye legatong la mmagwe yo a hlokofetšego. “Ke kgahlilwe ke tšhelete yeo mma a bego a e dira ka BBB ka ge ke rata dilo tše dibotse ka phetha ka gore ke joine. Pele ke joina BBB, bophelo bo be bo le gabotse eupša seo ke sona ke bego ke sa se nyake. O re, ke be ke nyaka se se fetago seo, ke nyaka bophelo bja maemo,”

“Ge mma a be a hlokofala ke ile ka dirwa molaodi gomme ka ipotša gore ke nyaka go godiša kgwebo. Ga ke tšhabe mošomo o boima, ka gona ke ile ka šoma ka thata. Ka thušo ya Moabi wa ka le Balaodimmogo le nna ke ithutile mo gontšhi ka kgwebo. Ke ile ka botšiša balaodi ba bangwe bao ba atlegilego gore ba kgonne bjang ke moka ka se dule fase ka seo nka se fihlelelago. O se ke wa dula ka selo seo o ka se fihlelelago, šomela go se fihlelela. O se dule feela ka gare ga mohlako ke moka wa phutha matsogo. Diriša sekgoba seo BBB e fanago ka sona ke moka o itirele se sengwe. Lesa go ngongorega, ‘emelela o šome.’ Šomela seo o se nyakago ka thata, bokgoni bo ka gare ga gago. Dira maiteko go seo o se dirago le go se kganyoga ka gobane o ka se se hwetše ka go se kganyoga feela, eupša ka go šoma. Miranda o eletša ka gore, thoma e sa le bjale ka pele selemo e eba ngwagola.”

Onica Nkuna o re o joinne dikhamphani tše dintšhi tša go rekiša eupša ga go le e tee yeo e mo šometšego. Gaešita le ge a be a šoma gabotse le go bitšwa gore ke morekiši wa maemo a godimo, panka ya gagwe e be e sa hlatsele seo.

Ka Botle Buhle Brands bophelo bo ile bja ba kaone. Onicca o lopa ka gore “Re kgona go reka dilo tšeo re di nyakagago, eupša o ka se dule feela wa letela ditšhegofatšo, o swanetše go šoma e le gore o šegofatšwe,”

O re ka mehla ke botša barekiši baka gore ge o robala go ena le gore o šome tšhelete ya gago ka pankeng le yona e tla robala - go ka se direge mohlolo - o swanetše go diriša sekgoba.

“Ke kopane le Botle Buhle Brands ka nako yeo ke bego ke nyamile e bile ke goga boima ditšheleteng. Ke be ke le moabi khamphaning e nngwe ya go rekiša eupša e be e sa mperekele. Ke be ke palelwa ke go hlokomela mma goba morwedi wa ka. Ke be ke gateletšegile maikwelong. Ke be ke sa šome ka dikgwedi tše 8 pele ke phetha ka gore ke joine Botle Buhle.

Lehono ke kgona go hlokomela nna le mma gotee le morwedi wa ka e bile bophelo bo bose. Ke hweditše diploma ya ka ya bobedi, ke agile ntlo e bile nna le mma re ile 50/50, ra reka koloi e mpsha. Ke ikgantšha ka go ba molaodi wa Botle Buhle Brands!”

Olga ke morutiši ka mangwalo eupša mogolo wa gagwe o be o sa kgone go hlokomela lapa la gagwe. O be a tsoga ka 4am a paka dikuku le go di rekišetša bana ba sekolo, e le ge a tsoma bophelo bjo bokaone. O re “Ke lekile dikhamphani tše dintšhi tša go rekiša eupša ka moka ga tšona di paletšwe, go be go se phetogo.”

Phetogo e bile gona ge a joina Botle Buhle Brands ka 2014. O a hlalosa, “Ke šomile ka thata ka morago ga go joina Botle Buhle Brands. Ke dutše fase le go rulaganya kamoo nka agago kgwebo e atlegilego, eupša ditlhohlo e be e le tše dintšhi. Ge o thoma selo se sefsa o ka letela gore ditlhohlo di be gona eupša ka ge ke be ke itokišeleditše kgwebo ye, ka go theetša le go ithuta bohlatseng bja barekiši le balaodi, ke be ke tiile go ka lebeletšana le tšona.”

Lehono ka baka la Botle Buhle Brands, o kgona go dira mo gontšhi ka mogolo wa gagwe wa borutiši feela. Ga a hlokomele lapa la gagwe feela, e bile o kgona le go thuša setšhaba. O agile kereke e bile o gare o rulaganya go aga e nngwe gape. Keletšo ya Olga ke gore emelela, o tšee kgato ya pele, le go fetola bophelo bja gago.