Mabapi Rena
Re rekiša ditšweletšwa tša maemo. Re godiša dikgwebo. Re fetoša maphelo a batho.
Clarico-Full Image
Re bile le:
Barekiši 38 500 ba fetago
Ba rekišitše 900 000 dilo tše

Go tloga ka 1998 batho ba fetoša maphelo a bona ka Botle Buhle Dibrand, ba itirela mošomo, go matlafatša le go hwetša letseno la go iphediša gotee le go bulela ba bangwe dikgoba tše dingwe.

Botle Buhle Brands ke khamphani e di gogago pele ya go rekiša ditšweletšwa tša maemo, tša go tia, tšeo di rekegago go Barekiši. Barekiši ba na le ditšweletšwa tša mehutahuta: dilo tša ntlong, tša maphelo le boiketlo, tša go ipotsefatša le tša feshene.

Re rata...
  • Re nyaka o atlege
  • Re phele gakaone kudu.
  • Re nyaka gore o kgone go ikhweletšago letseno ka rena
  • Re rata setšhaba le boitlamo.
  • Ditlhohlo di dira gore o atlege.
  • Re beeletša kgwebong gore re go thekge.
  • Re šoma ka dilo tša go tia.
  • Re nyaka gore mediro ya rena e se lebalwe.
  • Re nyaka go fa batho tsela ya go itirela letseno, re age naga ya rena.
Mmogo re kaone
Tlala ke tlhoba boroko setšhabeng sa rena e bile batho ba inyatša ka baka la bodiidi. Se se bakilwe ke go se hwetše mekgwa ya go ipulela dikgwebo. Botle Buhle Brands e nea batho dikgoba tša go thoma dikgwebo ka go rekiša ditšweletšwa tša go kgwahla le tšeo di rekegago, gore ba be le maphelo a makaone le go bulela batho ba bantši dikgoba tša mešomo. Ge re bulela setšhaba dikgoba, re ama maphelo a meloko e mentšhi.
Tshepo le sekgoba
Tshepo le sekgoba
Nomvuyo Manca
“Peleng ke be ke šoma lebenkeleng la hardware ka ge ke sa rutega ke be ke se na bothata ka mogolo wa ka o monyenyane. Ge o sa rutega o thabela gore o hweditše mošomo. Ka nako tšhelete e be e lekane, ka ge ke thabela go hwetša bogobe le khabetše gore ke je letšatši le letšatši. Go fihlela ke ekwa ka Botle Buhle Brands ke moka ka tlogela mošomo wa ka. Ke ile ka theetša dikeletšo ka moka, bohlatse ka moka le dikgothatšo tšeo ke filwego tšona gomme ka ithuta go seo. Tsela e nnoši ya go bontšha gore o kwele le go kwešiša ke ka ditiro. Ke dirišitše dilo ka moka tšeo ke ithutilego tšona.” “Le ka mohla ke be ke sa lore ke na le koloi ya ka eupša ka Botle Buhle Brands ke rekile koloi ya ka ya mathomo; e be e le Honda. Ke rekile le vene ya ka ya go stoka ngwagola. Bophelo bo fetogile kudu. Ke kgonne go godiša ntlo ya ka ya RDP. E be e le phapoši e tee eupša ga bjale ke okeditše ka dikamora tše dingwe, ofisi, le phapoši ya stoko. Bana ba ka ba tsena sekolo sa praebete e bile ke kgona go ba lefelela thuto ya bona. Go na le dikgoba tše dintšhi le tshepo go Botle Buhle Brands; batho ba swanetše go tseba ka yona.”
Qaybiyaha Bala ka mo
Phetogo yeo e tlišitšego go gontšhi
Phetogo yeo e tlišitšego go gontšhi
Linah Racheku
Linah Racheku, mosadi wa mafolofolo le sebete wa go tšwa Limpopo, e be e le molaodi khamphaning e nngwe ya go rekiša pele a joina Botle Buhle Brands. Pele a joina Botle Buhle Brands o be a phela ka go iketla, eupša o be a nyaka mo go oketšegilego. O be a nyaka bophelo bja manobonobo ke moka a hudugela khamphaning yeo a dumelago gore e tla mo nea sona seo. Le ka mohla ga sa nka a itsholela phetho yeo. Ka baka la go šoma ka thata le tšwelopele ya gagwe, Botle Buhle Brands e hlatlošitše Linah go ba Moabi.
Qaybiyaha Bala ka mo
Matla le kgetho ke tša gago
Matla le kgetho ke tša gago
Margareth Matlala
Margareth Malapane o dula motseng wa Runnymede Profenseng ya Limpopo gomme o bile karolo ya lapa la Botle Buhle Brands go tloga ka 2013. Ka morago ga Grade 12 e ile ya ba yena a hlokomelago lapa ka morago ga gore buti wa gagwe a lahlegelwe ke mošomo. O šomile mafelong a mantšhi e le gore a hlokomele lapa eupša go be go le boima. O gopola ka gore, “Wa tseba ge o sena selo mo bophelong batho ba rata go go tšeela fase, e sego baagišani ba gago feela le ba lapa leno, eupša lehono ka ge Botle Buhle e fetotše bophelo bja ka, ke motho wa bohlokwa lapeng la gešo gotee le setšhabeng. Le nna ke kgona go lahlela la bošiwana go swana le batho ba bangwe.” “Ke gopola ge ke be ke tlogela mošomo wa ka ke retogela kgwebong ya BBB lapa lešo le be le sa kwešiše le gatee. Ba be ba sa dumele gore go rekiša dibowl go be go tla dira gore ke ba hlokomele. Eupša ke nna yo lehono, kgwebo ya ka e atlegile. Ke gare ke lokišetša go agela lapa lešo legae ka baka la BBB, Margareth o oketša ka gore, le ka baka moabi waka yo a nthekgago.” Ge a hlalosa bohlokwa bja go joina lapa la BBB o re, “Botle Buhle Brands e go nea tokologo ya nako, o kgona go šoma ka thata ka mo o nyakago ka gona e bile o ipeela mogolo wa gago. O ka lahlegelwa ke mošomo le ge e le neng goba kontraka ya gago ya fedišwa ke motho yo a se nago taba gore ke batho ba bakae bao o ba hlokomelago. Joina Botle Buhle Brands, šoma ka thata, ke moka bophelo bja gago ruri bo tla fetoga.”
Qaybiyaha Bala ka mo
Fetoša ntlo ya gago gore e be legae
Fetoša ntlo ya gago gore e be legae
Innocent Mailula
Innocent ke mma wa bana ba bane, yo a dulago Phalaborwa, Profenseng ya Limpopo. O joinne Botle Buhle Brands ka 2005 e le ge a nyaka go hwetšwa letseno. Ka nako yeo o be a sa šome. Ka kgwedi e tee feela a joinne e le morekiši monna wa gagwe o ile a felelwa ke mošomo gomme letseno e be e le la dithekišo tša BBB feela. “Ge monna wa ka a be a lahlegelwa ke mošomo, bophelo bo ile bja thatafa le go feta. O gopola ka gore, ke ile ka swanelwa ke go šoma ka thata kgwebong ya BBB ka ge ke be ke swanetše go lefelela ditefo tša sekolo tša ngwana wa ka. Lehono bophelo bja Innocent bo fetogile. “Bophelo bo kaone ga bjale ka ge re kgona go reka dilo tšeo re di hlokago le tšeo re di nyakago. Ke kgonne go reka bakkie ya go nthuša go iša stoko go barekiši ba ka. Go bona kgwebo ya gago e atlega go go nea matla a gore o šome ka thata ka gobane o bona meputso ya go šoma ka thata.” O re ga bjale ba kgonne go dira gore ntlo ya bona e be legae bakeng sa bana ba bona, gomme seo se kgonegile ka go šoma ka thata le go godiša kgwebo ya gagwe ya BBB.
Qaybiyaha Bala ka mo
Dikeletšo tše dikgolo tša go atlega
Dikeletšo tše dikgolo tša go atlega
Lomile Mpapa
Lomile Mpapa ke Moabi wa go tšwa Botshabelo e bile o fana ka dikeletšo tše dibotse go bao ba nyakago go ba Baabi le go ba le kgwebo e atlegilego ka Botle Buhle Brands: - Boledišana ka mehla le sehlopha sa gago e le gore batho ka moka ba kwešiše morero le ditsela tša gago - Go tsentšha batho ke gona go dirago gore kgwebo e phele. O se letele gore sehlopha sa gago e be sona se tsentšhago batho – o swanetše go ba beela mohlala le wena o tsentšhe batho - Go bohlokwa gore o kwešiše morero wa BBB wa go fetoša maphelo. Thuša ba bangwe go kwešiša gore le bona ba ka fetoša maphelo ge e ba ba diriša sekgoba seo BBB e ba neago sona Lomile o re dikeletšo tše di mo thušitše go phele bophelo bjo a bego a bo kganyoga.
Qaybiyaha Bala ka mo
Go ba le pono ya go atlega go sa šetšwe gore o thoma kae
Go ba le pono ya go atlega go sa šetšwe gore o thoma kae
Annah Minyuku
Annah Minyuku o tšwa motseng wa Motla kua Hammanskraal. Pele a joina Botle Buhle Brands o be a šoma e le merchandiser o re, “bophelo bo be bo le gabotse eupša bo sa tšwele pele.” Ka morago ga mengwaga e meraro a šoma, o ile a ntšhwa mošomong gomme monna wa gagwe e be e le yena feela a hlokomelago lapa gomme seo sa thatafiša bophelo. “Bophelo bo be bo le thata moo re bego re tsoga mesong e mengwe le e mengwe re yo kgopelela monna wa ka tšhelete ya go ya mošomong. Anna o re, baagišani ba rena ba be ba se sa re hlompha.” O ile a botšwa ka sekgoba sa kgwebo go BBB ka 2011. Ge a nagana morago kua ge a sa thoma o re o sa leboga kamoo khamphani e bego e mo tshepa ka gona: “ba mphile stoko le ge ke be ke dula mukhukhung wa diphapoši tše 4 ke moka ba ntlhohleletša gore ke šome ka thata gore ke kaonefatše bophelo bjaka le go godiša kgwebo.” Annah o re motho o swanetše go ba le toro ya go ipona a atlega kgwebong ye. O kgothatša ka gore, “Go sepediša kgwebo ga go bonolo eupša ge o dira maiteko le go ineela gore e sepele gabotse, e tla sepela botse.”
Qaybiyaha Bala ka mo
Go sa dutše go na le nako ya go fetoša bophelo
Go sa dutše go na le nako ya go fetoša bophelo
Betty Moloto
Betty Moloto o belegwe ka 1960 kua Tembisa, Gauteng, ke moka a hudugela Limpopo le batswadi ba gagwe. Betty o re, “Bophelo bo be bo le boima pele ke joina Botle Buhle Brands. Ke be ke palelwa ke go rekela bana ba ka dijo gomme seo se kweša bohloko ge o le motswadi. Ke be ke rekišetša khamphani e nngwe ya go rekiša eupša e be e sa mperekele. Ke moka ka kwa ka Botle Buhle Brands gomme ka re ke e leke. Ke be ke sa letela mo gontšhi go tšwa go yona eupša ka morago ga go ya sebokeng sa ka sa mathomo, ke be ke ikemišeditše go šoma ka thata le go atlega, ka ge ke filwe maatla. Lehono nna le lapa laka re phela gabotse, re kgona go reka dilo, e bile re thabile. Bana ba ka ba kgonne go fetša yunibesithi ka ba ka la BBB.”
Qaybiyaha Bala ka mo

Matlafatša ba bangwe

Joina
Rena Brands
Botle Buhle Brands - - Ditšweletšwa tša go tia
Our brands have been thoughtfully created with you in mind. We want you to get the best value for your hard earned money. If we can’t use our product, we won’t sell it. If the product doesn’t meet our stringent quality standards we simply keep on looking for, or designing, a product that will meet your needs. We obsess about quality, because you deserve quality at an affordable price, and that is the commitment of each of our home-grown brands.
Ba Botse le Fešene ya Puer ba a tseba gore o nyaka go lebelega le go ikwa o le botse. Re swana le wena, ke ka baka leo re go fago ditšweletšwa tše di dirago gore o ikwe o botse. Ge o bogega, o ikwa gabotse. Ka ge re botwa ka tša fešene le bobotse, Puer e fana ka mehuta ya ditšweletšwa tše o di hlokago, le tše di swanelago le batšete ya gago. Ikgethele, leka selo se sefsa. O tla thabela gore o dirile seo!
Go phela gabotse ke mpho e kgolo yeo o ka e neago wena le lapa la gago. Ditšweletšwa tša Orijins tša maphelo le boiketlo di tla go thuša go dula o phetše gabotse - o itokišeleditše go lebana le mathataa bophelo. O buletšwe ke sekgoba sa go phela bophelo bjo bobotse, letšatši le letšatši. Orijins e tla go bontšha gore bjang!
O wa moswananoši e bile o na le setaele. Legae la gago ke lefelo le lekgethwa e bile o ka ikgantšha ka lona. Botle Buhle Home e go nea ditšweletšwa tša ka gae ka theko ya fase. Go sa šetšwe gore go diregang bophelong, re na le seo o tlago go ikgantšha ka sona le go se kgotsofalela. O swanelwa ke dilo tše dikaonekaone!
Mabapi - Di Brand - Cover image
Di-brand tšeo di golago tša kgwebo e golago
  • Ditšweletšwa tše diswa kgwedi le kgwedi.
  • Ditšweletšwa tše 2200 tšeo o ka ikgethelago.
  • tšeo 900 000 Ba rekišitše dilo.
Di brand tšeo di golago
bakeng sa kgwebo e golago
  • New Ditšweletšwa tše diswa kgwedi le kgwedi.
  • Ditšweletšwa tše 2200 tšeo o ka ikgethelago.
  • tšeo 900 000 Ba rekišitše dilo.
Matlafatša Batho
Mengwageng e 23, Botle Buhle Brands e thušitše ba dikete bao ga bjale ba ipshinago ka go ba le tokologo le taolo ya dikgwebo tša bona, ekwa tša bona.
Segwera se matla se lebiša katlegong
Segwera se matla se lebiša katlegong
Cairo le Nkhensani Mongwe
Cairo le mosadi wa gagwe Nkhensani Mongwe ba bopa segwera se matla. Ba dula Tzaneen, Profenseng ya Limpopo, gomme ba bile kgwebong ya Botle Buhle Brands go tloga ka 2006. “Ge mosadi wa ka a joina kgwebo ye bobedi bja rena re be re šoma. Ke be ke šoma khamphaning go tša ditšhelete gomme yena e le office administrator. Re be re na le ntlo ya RDP le dintlo tše tharo tša go rulelwa ka bjang. Cairo o re, Bobedi bja rena re be re šoma eupša re sokola ka tšhelete,” Ka baka la go šoma ka thata le thekgo e tšwago monneng wa gagwe, Nkhensani o ile a hlatlošwa go ba molaodi 2011. Ka morago Cairo, yoo le yena a ilego a joina kgwebo yeo mathomong a bego a e bitša “kgwebo ya basadi,” o ile a hlatlošwa go ba molaodi. Go ya ka Cairo, “sephiri sa go atlega ke go diriša sekgoba seo Botle Buhle Brands e go neago sona ke moka o fofe le sona.” O oketša ka gore, “Re dirile gore kgwebo ye e be ya rena. Ka go tsentšha batho le go rekiša re ile ra gola go tloga go balaodi ba bane go ya go ba masomepedi seswai e bile re kgauswi le go hlatloša moabi o moswa.” Botle Buhle Brands e ba neile sebaka sa gore ba tliše phetogo setšhabeng sa gabo bona ka go hlama mešomo le go fetoša maphelo a batho. Lehono ba na le sehlopha sa batho ba fetago sekete. “Re lwantšhana le tshokolo gare ga batho ba gabo rena le go fetoša maphelo a rena. Lehono re na le ntlo ya diphapoši tše lesome le dikoloi tše mmalwa bakeng sa go dirišetša kgwebo le mabaka a rena. Ba ga Mongwe bare, ka Botle Buhle Brands motho le ge e le ofe ka fetoša bophelo bja gagwe gore bo be kaone.”
Qaybiyaha Bala ka mo
O se ke wa dula ka selo seo o ka se fihlelelago, šomela go se fihlelela
O se ke wa dula ka selo seo o ka se fihlelelago, šomela go se fihlelela
Miranda Machedi
Miranda Machedi o joinne Botle Buhle Brands ka 2008 ge a be a tšea kgwebo ye legatong la mmagwe yo a hlokofetšego. “Ke kgahlilwe ke tšhelete yeo mma a bego a e dira ka BBB ka ge ke rata dilo tše dibotse ka phetha ka gore ke joine. Pele ke joina BBB, bophelo bo be bo le gabotse eupša seo ke sona ke bego ke sa se nyake. O re, ke be ke nyaka se se fetago seo, ke nyaka bophelo bja maemo,” “Ge mma a be a hlokofala ke ile ka dirwa molaodi gomme ka ipotša gore ke nyaka go godiša kgwebo. Ga ke tšhabe mošomo o boima, ka gona ke ile ka šoma ka thata. Ka thušo ya Moabi wa ka le Balaodimmogo le nna ke ithutile mo gontšhi ka kgwebo. Ke ile ka botšiša balaodi ba bangwe bao ba atlegilego gore ba kgonne bjang ke moka ka se dule fase ka seo nka se fihlelelago. O se ke wa dula ka selo seo o ka se fihlelelago, šomela go se fihlelela. O se dule feela ka gare ga mohlako ke moka wa phutha matsogo. Diriša sekgoba seo BBB e fanago ka sona ke moka o itirele se sengwe. Lesa go ngongorega, ‘emelela o šome.’ Šomela seo o se nyakago ka thata, bokgoni bo ka gare ga gago. Dira maiteko go seo o se dirago le go se kganyoga ka gobane o ka se se hwetše ka go se kganyoga feela, eupša ka go šoma. Miranda o eletša ka gore, thoma e sa le bjale ka pele selemo e eba ngwagola.”
Qaybiyaha Bala ka mo
Ga gona kgotsofalo tseleng e lebišago lehumong
Ga gona kgotsofalo tseleng e lebišago lehumong
Onicca le Leonard Nkuna
Onica Nkuna o re o joinne dikhamphani tše dintšhi tša go rekiša eupša ga go le e tee yeo e mo šometšego. Gaešita le ge a be a šoma gabotse le go bitšwa gore ke morekiši wa maemo a godimo, panka ya gagwe e be e sa hlatsele seo. Ka Botle Buhle Brands bophelo bo ile bja ba kaone. Onicca o lopa ka gore “Re kgona go reka dilo tšeo re di nyakagago, eupša o ka se dule feela wa letela ditšhegofatšo, o swanetše go šoma e le gore o šegofatšwe,” O re ka mehla ke botša barekiši baka gore ge o robala go ena le gore o šome tšhelete ya gago ka pankeng le yona e tla robala - go ka se direge mohlolo - o swanetše go diriša sekgoba.
Qaybiyaha Bala ka mo
Ke ikgantšha ka go fana
Ke ikgantšha ka go fana
Dineo Ramaiba
“Ke kopane le Botle Buhle Brands ka nako yeo ke bego ke nyamile e bile ke goga boima ditšheleteng. Ke be ke le moabi khamphaning e nngwe ya go rekiša eupša e be e sa mperekele. Ke be ke palelwa ke go hlokomela mma goba morwedi wa ka. Ke be ke gateletšegile maikwelong. Ke be ke sa šome ka dikgwedi tše 8 pele ke phetha ka gore ke joine Botle Buhle. Lehono ke kgona go hlokomela nna le mma gotee le morwedi wa ka e bile bophelo bo bose. Ke hweditše diploma ya ka ya bobedi, ke agile ntlo e bile nna le mma re ile 50/50, ra reka koloi e mpsha. Ke ikgantšha ka go ba molaodi wa Botle Buhle Brands!”
Qaybiyaha Bala ka mo
Ditlhohlo di tswala katlego
Ditlhohlo di tswala katlego
Olga Bila
Olga ke morutiši ka mangwalo eupša mogolo wa gagwe o be o sa kgone go hlokomela lapa la gagwe. O be a tsoga ka 4am a paka dikuku le go di rekišetša bana ba sekolo, e le ge a tsoma bophelo bjo bokaone. O re “Ke lekile dikhamphani tše dintšhi tša go rekiša eupša ka moka ga tšona di paletšwe, go be go se phetogo.” Phetogo e bile gona ge a joina Botle Buhle Brands ka 2014. O a hlalosa, “Ke šomile ka thata ka morago ga go joina Botle Buhle Brands. Ke dutše fase le go rulaganya kamoo nka agago kgwebo e atlegilego, eupša ditlhohlo e be e le tše dintšhi. Ge o thoma selo se sefsa o ka letela gore ditlhohlo di be gona eupša ka ge ke be ke itokišeleditše kgwebo ye, ka go theetša le go ithuta bohlatseng bja barekiši le balaodi, ke be ke tiile go ka lebeletšana le tšona.” Lehono ka baka la Botle Buhle Brands, o kgona go dira mo gontšhi ka mogolo wa gagwe wa borutiši feela. Ga a hlokomele lapa la gagwe feela, e bile o kgona le go thuša setšhaba. O agile kereke e bile o gare o rulaganya go aga e nngwe gape. Keletšo ya Olga ke gore emelela, o tšee kgato ya pele, le go fetola bophelo bja gago.
Qaybiyaha Bala ka mo
Maikemišetšo a tswala katlego
Maikemišetšo a tswala katlego
Lomile Mpapa
Lomile Mpapa, wa go tšwa Botshabelo kua Free State, o be a sa šome e bile a ithekgile ka bangwe pele a joina Botle Buhle Brands ka 2012. Ka morago ga go bona kamoo kgwebo e fetotšego bophelo bja gagwe o ile a šoma kudu gore a tsentšhe batho ba bangwe go kaonefatša maphelo a bona. O re yo mongwe le yo mongwe yo a nyakago go thoma bophelo bjo bo bokaone o swanetše go, “emelela a fetoše bophelo sa ruri.” E bile o re “go ya ka nna ga go khamphani ya go swana le Botle Buhle Brands. Ba bolela therešo ge ba re ba matlafatša batho gomme o tla bona seo ge ba go nea stoko e sa le pele go thoma kgwebo ya gago. Ga ba dire tšhelete ka matla a batho ba bangwe le mošomo wa bona o thata.” Yena gotee le monna wa gagwe, Ntate Mpapa, le bana ba bona Malichaba le Tholang, ba ile ba šoma ka maikemišetšo a magolo. Ka baka la seo o thopile Sefoka sa Molaodi yo Mogolo ka 2016.
Qaybiyaha Bala ka mo

Matlafatšwa le go matlafatša ba bangwe

Joina

Hwetšwa emaile kgwedi le kgwedi

tseba tša moragorago
+27