Thuthukisa Abantu, Khulisa Ibhizinisi

U-Cairo nomkakhe uNkhensani Mongwe bakha iqembu eliqinile. Bahlala eTzaneen, eSifundazweni saseLimpopo futhi bebelokhu besebhizinisini le-Botle Buhle Brands kusukela ngo-2006.

"Ngesikhathi umkami ejoyina ibhizinisi sasisebenza sobabili. Ngangisebenza enkampanini yezezimali futhi yena enakekela ihhovisi enkampanini ayekuyo. Sasinendlu ye-RDP kanye nezindlu ezintathu zotshani. Sasisebenza sobabili kodwa sithwele kanzima ngokwezimali," kusho u-Cairo.

Ngokuzikhandla nangokusekelwa umyeni wakhe, uNkhensani wakhuphuka waba umphathi ngo-2011. Kamuva u-Cairo, owayelijoyinile ibhizinisi ngisho noma ekuqaleni ayethi "yibhizinisi lomama," naye wakhuphuka waba umphathi.

UCairo uthi "imfihlo yokuphumelela ukusebenzisa ithuba i-Botle Buhle Brands ekunika lona ngokugcwele." Uyenezela, "Sazibambela mathupha ibhizinisi lethu. Ngokufaka abantu abengeziwe nangokudayisa sakhula sisuka kubaphathi abane saya kwabangu-28 futhi sesizokhuphula umsabalalisi omusha."

I-Botle Buhle Brands ibanike ithuba lokuletha ushintsho emphakathini ngokuvula amathuba emisebenzi nangokushintsha ukuphila kwabantu. Namuhla banethimba labantu abangaphezu kwenkulungwane.

"Silwa nobubha phakathi kwabantu bakithi futhi sishintsha nokuphila kwethu. Namuhla sinendlu enamagumbi ayishumi kanye nohide lwezimoto zebhizinisi nezethu. Nge-Botle Buhle Brands noma ubani angashintsha ukuphila kwakhe kube ngcono," kusho abakwaMongwe.

U-Miranda Mechedi wajoyina i-Butle Buhle Brands ngo-2008 lapho eqhubeka nebhizinisi ayelithatha kunina owayeseshonile. "Ngagqugquzelwa ukubona imali umama ayeyenza e-BBB nangenxa yokuthi ngiyazithanda izinto ezinhle ngakho nganquma ukujoyina. Ngaphambi kokujoyina i-BBB ngangiphila kodwa hhayi ngendlela engangiyifuna. Ngangifuna okwengeziwe, ngangifuna impilo enhle," esho.

"Ngesikhathi umama eshona ngenziwa umphathi ngabe sengizimisela ukuba ngiphumelele kuleli bhizinisi. Angikwesabi ukusebenza kanzima, ngakho yilokho engakwenza, ngazikhandla. Ngosizo loMsabalalisi wami kanye nabanye abaphathi ngafunda okuningi ngebhizinisi. Ngabuza kwabanye abaphathi abaphumelele ukuthi benza kanjani futhi angizange ngidlale ngethuba. Ungadlali ngethuba, lisebenzise. Ungahlali enhluphekweni usonge izandla. Sebenzisa ithuba le-BBB ukuze uzenzele okuthile ekuphileni kwakho. Yeka ukukhononda, 'vuka usebenze.' Kusebenzele kanzima lokho okufunayo, unalo ikhono. Zikhandle kokwenzayo nokufisayo ngoba ngeke ukuthole ngokufisa kuphela, ukuthola kuphela ngokusebenza. Thatha isinyathelo manje ngoba kusasa kungabe sekwephuzile," kuxwayisa uMiranda.

U-Onicca Nkuna uthi wajoyina izinkampani eziningi ezidayisa ngokuqondile esikhathini esidlule kodwa ayikho kuzo eyamsiza. Ngisho noma ayenza kahle, ebhekwa njengomdayisi ophambili, imali ebhange yayingangeni.

Nge-Botle Buhle Brands ukuphila kungcono kakhulu. "Siyakwazi ukuthenga izinto esizifisayo, kodwa akumelwe uhlale phansi ulindele isibusiso, kudingeka usebenze ukuze ubusiswe," kukhuthaza u-Onicca.

Uthi uhlale etshela abadayisi ukuthi uma ulala esikhundleni sokusebenza isitatimende sasebhange naso sizolala - akukho simangaliso esizokwenzeka - kudingeka usebenzise ithuba.

"I-Botle Buhle Brands yafika ekuphileni kwami ngesikhathi ngidikibele futhi ngingenamali. Ngangingumsabalalisi kwenye inkampani edayisa ngokuqondile kodwa izimo zazingalungi. Ngangihluleka ukondla umama nendodakazi yami. Ngangikhandlekile ngokomzwelo. Kwase kuphele izinyanga ezingu-8 ngingasebenzi ngaphambi kokuba nginqume ukujoyina i-Botle Buhle.

Namuhla ngiyakwazi ukondla indodakazi yami nomama futhi nginemali yokuphila ntofontofo. Ngithole idiploma yami yesibili, ngaqedela ukwakha indlu yami futhi sahlukaniselana nomama, ngabe sengithenga imoto entsha. Ngiyaziqhenya ngokuba umphathi e-Botle Buhle Brands!"

U-Olga unguthisha oqeqeshiwe kodwa iholo lakhe lalinganele ukunakekela umndeni wakhe. Wayejwayele ukuvuka ngo-4 ekuseni abhake amakhekhe ayewadayisela izingane esikoleni, ukuze enze ngcono ukuphila kwakhe. Uthi, "Ngase ngizame izinkampani eziningi ezidayisa ngokuqondile kodwa zonke zazehluleka, lwalungekho ushintsho".

Ushintsho ngalubona lapho ngijoyina i-Botle Buhle Brands ngo-2014. Uyachaza, "Ngasebenza kanzima ngemva kokujoyina i-Botle Buhle Brands. Ngahlala phansi ngahlela indlela yokwakha ibhizinisi eliphumelelayo, kodwa kwakusekhona izinselele eziningi. Lapho uqala ibhizinisi elisha izinselele zilindelekile kodwa ngenxa yokuthi ngangizilungiselele ukubhekana naleli bhizinisi, ngokulalela nokufunda okushiwo abadayisi nabasabalalisi, ngaba namandla okubhekana nazo zonke."

Namuhla, nge-Botle Buhle Brands, ukwazi ukwenza okuningi kakhulu kunalokho abengakwenza ngeholo lokuba uthisha kuphela. Unokwanele kokunakekela umndeni wakhe futhi uphinde asize nomphakathi wakhe. Wakhe isonto futhi usezinhlelweni zokwakha elinye. Iseluleko sika-Olga, ukusukuma uthathe isinyathelo sokuqala, ushintshe ukuphila kwakho kube ngcono.

ULomile Mpapa waseBotshabelo e-Free State, wayengowesifazane ongasebenzi futhi ondliwa abanye abantu ngaphambi kokujoyina i-Botle Buhle Brands ngo-2012. Ngemva kokubona indlela ibhizinisi elishintshe ngayo ukuphila kwakhe, wanquma ukusebenza kanzima efaka abantu ukuze nabo benze ukuphila kwabo kube ngcono.

Uthi wonke umuntu ofuna ukuphila impilo engcono kumelwe, "usukume ushintshe ukuphila kwakho ukuze kube ngcono". Uphinde athi "ayikho inkampani enjenge-Botle Buhle Brands kimi. Bazimisele ngempela ukuthuthukisa abantu futhi lokho uzokubona lapho bekunika isitoko ngaphambi kokuba usikhokhele ukuze uqale ibhizinisi lakho. Abenzi imali ngomjuluko nokukhandleka kwabantu."

Ekanye nomyeni wakhe, uNtate Mpapa, nezingane zabo uMalichaba noTholang, basebenza ngokuzimisela okukhulu. Ngenxa yalokho uye wathola umklomelo wokuba uMphathi ophume phambili ngo-2016.

UKhensani Sibongile Shiluvane, ungumama eneminyaka engu-48 onamadodakazi amathathu, usebe ngumphathi ophumelelayo e-Botle Buhle Brands kusukela ngo-2017. Uthi, "Ngajoyina i-Botle Buhle Brands ngesikhathi esibi: Nganginezikweletu, ngihlupheka futhi ngisebunzimeni obukhulu. Izinto zazizimbi kakhulu kimi nasemndenini wami. Ngikhumbula ngesinye isikhathi indodakazi yami eyayineminyaka engu-12 ithi kimi kungcono iyofuna umsebenzi wesikhashana...yayineminyaka engu-12 kuphela. Lokho kwangizwisa ubuhlungu obukhulu ngoba kwangibonisa ukuthi ukuhlupheka kwase kuqala ukuhlukumeza izingane zami.

Ngase ngikhathele ukuhlupheka nokuphila kanzima, ngabe senginquma ukwenza okuthile ukuze ngenze ukuphila kwami kube ngcono, yilapho engajoyina khona i-Botle Buhle Brands.

Namuhla, ngosizo lwe-Botle Buhle Brands kanye nokuzikhandla kwami njengomphathi ngine-Ford Ranger entsha engizithengele yona. Imali yesikole sabantwana bami ngihlale ngiyikhokha ngesikhathi. Ngithengele isonto izinsimbi zomculo ngaphandle kwesikweletu, "zwa-quality." Ngivule ithuba lomsebenzi ngokuqasha umuntu ongisizayo futhi okubaluleke nakakhulu, ngisezinhlelweni zokwakhela umndeni oswele. Konke lokhu ngikwenza ngemali engiyithole e-Botle Buhle Brands."