Mayelana Nathi
Sidayisa imikhiqizo. Sikhulisa amabhizinisi. Sisiza abantu bashintshe ukuphila.
Clarico-Full Image
Ngenyanga edlule:
Ngaphezu 38 500 kuka
Ngaphezu 900 000 kuka

Kusukela ngo-1998 abantu bebelokhu beshintsha ukuphila kwabo nge-Botle Buhle Brands, besebenzisa amathuba emisebenzi abawanikiwe, ukuze bakwazi ukuthola iholo nyanga zonke futhi bavulele nabanye abasondelene nabo amathuba afanayo.

I-Botle Buhle Brands iyinkampani eholayo ekudayiseni ngokuqondile, ehlinzeka ngemikhiqizo esezingeni eliphezuluengabizi kakhulu kubadayisi bethu. Abadayisi banemikhiqizo ehlukahlukene abangayidayisa: imikhiqizo yasendlini, yezempilo nenhlalakahle, yezobuhle nemfashini.

Sithanda...
  • Sifuna uphumelele.
  • Sifuna uphile kangcono.
  • Sifuna wazi ukuthi uyithola kanjani imali.
  • Umphakathi nokuthembeka kuhle.
  • Ubunzima benza impumelelo.
  • Sitshala ebhizinisini sisekela wena.
  • Ikhwalithi ibalulekile.
  • Sikholelwa kokuzuzisa izizukulwane eziningi.
  • Sikholelwa ekunikeni abantu indlela yokuthola imali, ngaleyo ndlela sakhe izwe lethu.
Sithuthuka ndawonye
Ububha bungokoqobo emiphakathini yethu, abantu abaningi abakwazi ukubona amakhono abanawo ngenxa yesimo sabo somnotho. Okwenza lokhu kube kubi kakhulu ukusweleka kwamathuba amabhizinisi. I-Botle Buhle Brands inikeza umuntu ithuba lokuqala ibhizinisi ngokuthengisa imikhiqizo ephezulu nengabizi, ukuze akwazi ukuphila kangcono futhi lokho kwenza abantu babe nemisebenzi yokuziphilisa. Lapho sivula amathuba emisebenzi emiphakathini, siba nomthelela ozozuziza izizukulwane ezizayo.
Ukusuka ebunzimeni ukuya ekutholeni izibusiso zaphezulu
Ukusuka ebunzimeni ukuya ekutholeni izibusiso zaphezulu
USibongile Shilivane
UKhensani Sibongile Shiluvane, ungumama eneminyaka engu-48 onamadodakazi amathathu, usebe ngumphathi ophumelelayo e-Botle Buhle Brands kusukela ngo-2017. Uthi, "Ngajoyina i-Botle Buhle Brands ngesikhathi esibi: Nganginezikweletu, ngihlupheka futhi ngisebunzimeni obukhulu. Izinto zazizimbi kakhulu kimi nasemndenini wami. Ngikhumbula ngesinye isikhathi indodakazi yami eyayineminyaka engu-12 ithi kimi kungcono iyofuna umsebenzi wesikhashana...yayineminyaka engu-12 kuphela. Lokho kwangizwisa ubuhlungu obukhulu ngoba kwangibonisa ukuthi ukuhlupheka kwase kuqala ukuhlukumeza izingane zami. Ngase ngikhathele ukuhlupheka nokuphila kanzima, ngabe senginquma ukwenza okuthile ukuze ngenze ukuphila kwami kube ngcono, yilapho engajoyina khona i-Botle Buhle Brands. Namuhla, ngosizo lwe-Botle Buhle Brands kanye nokuzikhandla kwami njengomphathi ngine-Ford Ranger entsha engizithengele yona. Imali yesikole sabantwana bami ngihlale ngiyikhokha ngesikhathi. Ngithengele isonto izinsimbi zomculo ngaphandle kwesikweletu, "zwa-quality." Ngivule ithuba lomsebenzi ngokuqasha umuntu ongisizayo futhi okubaluleke nakakhulu, ngisezinhlelweni zokwakhela umndeni oswele. Konke lokhu ngikwenza ngemali engiyithole e-Botle Buhle Brands."
Umsabalalisi Funda
Ithemba nethuba
Ithemba nethuba
UNomvuyo Manca
"Ngangisebenza esitolo esidayisa amathuluzi, ngenxa yokuthi ngangingafundile ngangingayiboni inkinga yeholo elincane engangilithola. Uma ungafundile ujatshuliswa nje ukuthola umsebenzi. Ngaleso sikhathi yayanele leyo mali, uma nje ngikwazi ukuthola iphalishi lami nekhabishi ukuze ngidle nsuku zonke, lokho kwakungijabulisa. Kwaze kwaba yilapho ngizwa nge-Botle Buhle Brands ngabe sengishiya emsebenzini. Ngalalela zonke izeluleko, izindaba zabanye abantu kanye nezikhuthazo engangizithola futhi ngafunda kuzo. Ukuphela kwendlela yokubonisa ukuthi uzwile waqonda, ukwenza. Ngathatha konke engikufundile ngakusebenzisa njalo." "Angikaze ngiphuphe nakancane ukuthi ngingaba nemoto kodwa ngenxa ye-Botle Buhle Brands ngathenga imoto yami yokuqala, kwakuyi-Honda. Ngathenga neveni yami engifaka kuyo izinto engizidayisayo ngonyaka odlule. Ukuphila kushintshe kakhulu. Ngikwazile nokukhulisa indlu yami ye-RDP. Kwakuyigumbi elilodwa kodwa ngenezele amanye amagumbi ambalwa, ihhovisi kanye negumbi lokugcina izinto engizidayisayo. Izingane zami manje zifunda edolobheni futhi ngiyakwazi ukukhokhela imfundo yazo. Kunethemba elikhulu namathuba e-Botle Buhle Brands; abantu kudingeka bayazi."
Umsabalalisi Funda
Ushintsho oluholele kokuningi
Ushintsho oluholele kokuningi
U-Linah Racheku
U-Linah Racheku, onobuntu obuhle nesibindi odabuka eLimpopo, wayengumphathi kwenye inkampani edayisa ngokuqondile ngaphambi kokujoyina i-Botle Buhle Brands. Ngaphambi kokujoyina i-Botle Buhle Brands ukuphila kwakhe kwakukuhle, kodwa wayefuna okwengeziwe. Wayefuna ukuphila okuntofontofo wabe esethuthela enkampanini akholelwa ukuthi ingamnikeza lokho kanye. Akakaze azisole ngesinqumo sakhe sokushintsha. Ngenxa yokuzikhandla kwakhe nokuthuthuka kwakhe, i-Botle Buhle Brands iye yakhuphula uLinah waba uMsabalalisi.
Umsabalalisi Funda
Ukuzimisela kuholela empumelelweni
Ukuzimisela kuholela empumelelweni
ULomile Mpapa
ULomile Mpapa waseBotshabelo e-Free State, wayengowesifazane ongasebenzi futhi ondliwa abanye abantu ngaphambi kokujoyina i-Botle Buhle Brands ngo-2012. Ngemva kokubona indlela ibhizinisi elishintshe ngayo ukuphila kwakhe, wanquma ukusebenza kanzima efaka abantu ukuze nabo benze ukuphila kwabo kube ngcono. Uthi wonke umuntu ofuna ukuphila impilo engcono kumelwe, "usukume ushintshe ukuphila kwakho ukuze kube ngcono". Uphinde athi "ayikho inkampani enjenge-Botle Buhle Brands kimi. Bazimisele ngempela ukuthuthukisa abantu futhi lokho uzokubona lapho bekunika isitoko ngaphambi kokuba usikhokhele ukuze uqale ibhizinisi lakho. Abenzi imali ngomjuluko nokukhandleka kwabantu." Ekanye nomyeni wakhe, uNtate Mpapa, nezingane zabo uMalichaba noTholang, basebenza ngokuzimisela okukhulu. Ngenxa yalokho uye wathola umklomelo wokuba uMphathi ophume phambili ngo-2016.
Umsabalalisi Funda
Amandla nesinqumo ngesakho
Amandla nesinqumo ngesakho
U-Margareth Matlala
U-Margareth Malapane uhlala e-Runnymede village eSifundazweni saseLimpopo futhi usebe yingxenye yomndeni we-Botle Buhle Brand kusukela ngo-2013. Ngemva kokuphothula ibanga leshumi nambili kwaba nguye owondla umndeni wakubo lapho umfowabo ephelelwa umsebenzi. Wasebenza ezindaweni eziningi ukuze ondle abakubo kodwa kwakunzima kakhulu. Uthi, "Ekuphileni lapho ungenalutho, ngokuvamile abantu bayakudelela, akugcini nje ngomakhelwane kodwa nezihlobo zakho, kodwa namuhla ngenxa yokuthi i-Botle Buhle ishintshe ukuphila kwami, ngiyahlonishwa emndenini nasemphakathini. Ngiyakwazi ukuba nezwi njengawo wonke omunye umuntu." "Ngiyakhumbula ngesikhathi ngiyeka umsebenzi wami ukuze ngigxile ebhizinisini lami le-BBB umndeni wakithi wawungaqondi. Babengakholelwa ukuthi ukudayisa izitsha kungangisiza ngikwazi ukubondla. Kodwa ngilapha namuhla, ngenza ibhizinisi lami liphumelele. Ngisezinhlelweni zokwakhela umndeni wakithi ikhaya, ngenxa yokusizwa yi-BBB nangenxa yosizo lomsabalalisi ongumama kimi," kwenezela u-Margareth. Lapho ecabanga ngokubaluleka kokujoyina i-BBB, uthi, "I-Botle Buhle Brands ikunika inkululeko yesikhathi, ukwazi ukuzikhandla ngendlela ofuna ngayo futhi nguwe onquma iholo lakho. Umsebenzi wokuziphilisa ungaphela noma nini noma inkontileka yakho inganqanyulwa othile ongenandaba nokuthi bonke abantu bondliwa nguwe. Joyina i-Botle Buhle Brands, zikhandle ugxile kokwenzayo, ukuphila kwakho kuzoshintsha nakanjani."
Umsabalalisi Funda
Shintsha indlu yakho ibe yikhaya
Shintsha indlu yakho ibe yikhaya
U-Innocent Mailula
U-Innocent ungumama wezingane ezine, uhlala ePhalaborwa, eSifundazweni saseLimpopo. Wajoyina i-Botle Buhle Brands ngo-2005 efuna ukuthola iholo. Wayengasebenzi ngaleso sikhathi. Ingakapheli inyanga ejoyinile njengomdayisi umyeni wakhe waphelelwa umsebenzi futhi ukuphela kwemali ababengaziphilisa ngayo yayivela ekudayiseni kwakhe kwe-BBB. "Lapho umnyeni wami elahlekelwa umsebenzi, ukuphila kwaba nzima kakhulu. Kwadingeka ngizikhandle kakhulu ebhizinisini lami le-BBB ngoba kwakudingeka ngikhokhele isikole sezingane zami," uyachaza. Namuhla ukuphila kuka-Innocent kuhluke kakhulu. "Ukuphila kungcono kakhulu manje ngoba siyakwazi ukuthenga izinto esizifunayo nesizidingayo. Ngakwazi ukuthenga ibakkie ukuze ingisize ngihambise izinto ezidayiswayo kubadayisi bami. Ukubona ibhizinisi liphumelela kukunika amandla okusebenza kanzima ngoba uyayibona imiphumela. Uthi manje bayakwazi ukwenza indlu yabo ibe yikhaya lezingane zabo, futhi okumsizile ukuzikhandla ukuze akhulise ibhizinisi lakhe le-BBB.
Umsabalalisi Funda
Amacebiso okuphumelela
Amacebiso okuphumelela
ULomile Mpapa
ULomile Mpapa unguMsabalalisi waseBotshabelo futhi unikeza la macebiso amahle kulabo abafisa ukuba abasabalalisi futhi babe namabhizinisi aphumelelayo ne-Butle Buhle Brands: - Khuluma njalo nethimba lakho ukuze wonke umuntu aqonde imigomo nezinhlelo - Ukuthola abantu abasha kungumgogodla webhizinisi. Ungalindeli ukuba ithimba lakho kube yilo kuphela elifuna abantu - kudingeka uhole ngesibonelo nawe ufune abantu - Kubalulekile ukuqonda injongo ye-BBB yokushintsha ukuphila kwabantu. Siza abanye baqonde ukuthi nabo bangashintsha ukuphila kwabo uma besebenzisa ithuba i-BBB ebanika lona ULomile uthi la macebiso amsizile ukuba aphile ukuphila abekufisa.
Umsabalalisi Funda
Umbono wokuphumelela, kungakhathaliseki ukuthi uqala kuphi
Umbono wokuphumelela, kungakhathaliseki ukuthi uqala kuphi
Annah Minyuku
U-Annah Minyuku udabuka eMotla village e-Hammanskraal. Ngaphambi kokujoyina i-Botle Buhle Brands wayesebenza esitolo esidayisa izinto futhi uthi, "Ngangiphila kodwa ngangimi ndawonye." Ngemva kokusebenza iminyaka emithathu wadilizwa emsebenzini kwabe sekusala umyeni wakhe esebenza yedwa, okwenza ukuphila komndeni kwaba nzima. "Ukuphila kwethu kwakunzima kakhulu kwakudingeka ukuba njalo ekuseni sihambe siyoboleka imali ukuze umyeni wami aye emsebenzini. Omakhelwane babengasasihloniphi," kusho u-Annah. Watshelwa ngethuba le bhizinisi le-BBB ngo-2011. Lapho ecabanga ngalezo zinsuku usabonga namanje ngendlela inkampani eyabonisa ukumethemba ngayo: "banginika izinto engangizozidayisa ngisho noma ngangihlala emkhukhwini onamagumbi amane futhi lokho kwangikhuthaza ukuba ngenze okuningi, ukuze ngenze ukuphila kwami kube ngcono ngikhulise nebhizinisi lami." U-Anna uthi umuntu kumelwe azibone ephumelela kuleli bhizinisi. "Ukuba nebhizinisi akulula, kodwa uma wenza umzamo futhi uzimisela ekulenzeni liphumelele, lizophumelela ngempela," esho ekhuthaza.
Umsabalalisi Funda
Akukephuzi ukuthola ukuphila okungcono
Akukephuzi ukuthola ukuphila okungcono
U-Betty Moloto
U-Betty Moloto wazalwa ngo-1960 eTembisa, e-Gauteng, wabe esethuthela eLimpopo nabazali bakhe. U-Betty uthi, “Ukuphila kwakunzima ngaphambi kokuba ngijoyine i-Botle Buhle Brands. Ngangehluleka ukuthengela izingane zami ukudla futhi lokho kubuhlungu kithi njengabazali. Ngangidayisa kwenye inkampani edayisa ngokuqondile kodwa lokho kwakungangisebenzeli. Ngabe sengizwa nge-Botle Buhle Brands nganquma ukuyizama. Akukuningi engangikulindele kuyo, kodwa ngemva kokuya emhlanganweni wokuqala ngazimisela ukusebenza kanzima ukuze ngiphumelele, ngangikhuthazekile. Namuhla mina nomndeni wami siphila kamnandi, siyakwazi ukuthenga izinto futhi sijabule kakhulu. Izingane zami ziphothulile eyunivesithi ngenxa ye-BBB."
Umsabalalisi Funda

Thuthukisa uthuthukise abanye

Joyina
Yethu Brands
Botle Buhle Brands - ikhaya lamabrendi aphezulu
Our brands have been thoughtfully created with you in mind. We want you to get the best value for your hard earned money. If we can’t use our product, we won’t sell it. If the product doesn’t meet our stringent quality standards we simply keep on looking for, or designing, a product that will meet your needs. We obsess about quality, because you deserve quality at an affordable price, and that is the commitment of each of our home-grown brands.
E-Puer Fashion & Beauty siyazi ukuthi ufisa ukubukeka nokuzizwa kahle. Nathi sizizwa ngendlela efanayo yingakho sizikhandla ukuze sikunikeze imikhiqizo ezokwenza ujabule. Lapho ubukeka kahle, uzizwa kahle. Njengomeluleki othenjwayo wezemfashini nezobuhle, i-Puer ikunika imikhiqizo ehlukehlukene ehlangabezana nezidingo zakho, efanelana nokuphila nemali onayo. Zama okuthile okusha. Uzojabula ngokwenza lokho!
Ukuba umqemane kuyisipho esikhulu ongazinika sona nongasinika umndeni wakho. Imikhiqizo ehlukahlukene ye-Orijins yezempilo izokusiza uhlale unempilo - ukulungele ukubhekana nezinselele zokuphila. Usuku nosuku luyithuba lokuba uphile kangcono, ngendlela enempilo. I-Orijins ingakubonisa indlela yokwenza lokho!
Uhlukile kwabanye abantu futhi unesitayela sakho. Indlu iyindawo ozizwa uvikelekile kuyo okumelwe uziqhenye ngayo. I-Botle Buhle Home ikunikeza imikhiqizo yendlela yokuphila ngamanani afinyelelekayo. Kungakhathaliseki okwenzekayo, sinokuthile okuzokwenza uziqhenye futhi uzizwe wanelisekile. Yilokho kanye okufanele ukuthole!
Mayelana - Amabrendi Ethu - Cover image
Amabrendi
amabhizinisi akhulayo
  • Njalo Imikhiqizo efakwa nyanga zonke.
  • Engaphezu kuka 2200 Imikhiqizo.
  • Engaphezu kuka 900 000 Imikhqizo
Amabrendi
amabhizinisi akhulayo
  • Njalo Imikhiqizo efakwa nyanga zonke.
  • Engaphezu kuka 2200 Imikhiqizo.
  • Engaphezu kuka 900 000 Imikhqizo
Ukuthuthukisa Kwabantu
Eminyakeni engu-23 edlule i-Botle Buhle Brands iye yasiza izinkulungwane zabantu manje ezikhululekile futhi ezinamabhizini azo, yizwa lokho ezikushoyo.
Ukulwa nezinselele ze-COVID-19
Ukulwa nezinselele ze-COVID-19
Martha Rakgotho
I-COVID-19 ibiyinselele futhi iqhubeka iyinselele ngenxa yokuthi iyinto entsha kithi. Njengomnikazi webhizinisi, benginomthwalo wokuqinisekisa ukuthi bonke labo ababheke kimi abasali dengwane noma belambile, futhi kulaba ngibala nalabo abangewona umndeni wami. Ngaphambi kokuba uMongameli amemezele ukuvalwa kwezwe ngonyaka odlule, ngabhukhela mina Nabaphathi bami ehhotela ukuze sethamele ingqungquthela eyayizobanjwa ubusuku bonke. Ingqungquthela yayihloselwe ukuthola izindlela ezintsha zokuthuthukisa ibhizinisi lethu. Lowo mhlangano wasisiza ngoba konke esaxoxa ngakho yilokho okusisize sakwazi ukubhekana nezinselele ze-COVID-19 ngaphambi kokuba sazi nge-COVID-19". Sikwazile ukuthengisa izinto eziningi futhi saqhubeka sifaka abantu enkampanini yethu. Kungakhathaliseki ukuthi i-COVID ikhona noma ayikho, kudingeka sigcine ibhizinisi lethu liqhubeka lisebenza. Zivikele ngokufaka isifonyo, usebenzise okokubulala amagciwane futhi uqhele ebantwini. Kungakhathaliseki ukuthi wenzani, ungayeki. Ukuba nombono omuhle phakathi nobhubhane kungisize nganakekela ibhizinisi lami ngokuphumelelayo, ngize ngakwazi nokuzithengela i-BMW M4 entsha. Lokhu akubangelwa ukuthi ngingcono kunawo wonke umuntu, kubangelwa ukuthi ngibona ukubaluleka kwalo lonke ilungu lethimba lami.
Umsabalalisi Funda
Umholi nobaba oziqhenyayo
Umholi nobaba oziqhenyayo
Japhet Mulaudzi
Sengibe kuleli bhizinisi isikhathi eside kakhulu futhi njengasemabhizinisini amaningi ngiye ngabhekana nezinselele, kodwa ngikwazile ukubhukula bese ngiphinde ngiyazama. Yilokho okubangela ukuba ibhizinisi lami liphumelele. Nge-BBB, kuyangijabulisa ukusiza umphakathi wami. Ngiye ngakwazi ukunikeza abesifazane abebengakwazi ukufunda nokubhala ithuba lokuba baziphilise. Ngiye ngakwazi ukusiza izingane eziswele ukuba zithole imfundo, futhi ngiye nganika amadoda amaningana angasebenzi kodwa azimisele, ithuba lokusebenza e-BBB ukuze akwazi ukunakekela imindeni yawo. Nakuba singena ebhizinisini ukuze sizuze futhi sizinze ngokwezimali, ayikho into eyanelisa njengokukwazi ukusiza abantu abaswele. Njengosomabhizinisi, ungumholi futhi kubalulekile ukuba uholele abantu endleleni efanele. I-COVID-19 yenze ukuqhuba ibhizinisi lethu kwaba yinselele ngoba besingakwazi ukuba nemihlangano noma ukuqeqeshwa. Ngokujabulisayo, ngenxa yokusebenza kwethu ngokuzikhandla ebhizinisini nangenxa yomusa kaNkulunkulu, ngiye ngakwazi ukwakhela umndeni wami ikhaya ngaphinde ngakha nezindawo ezimbili zokugcina izinto ze-Puer ne-BBH.
Umsabalalisi Funda
Ukubaluleka kokudlulisela ithuba kwabanye
Ukubaluleka kokudlulisela ithuba kwabanye
Cynthia Radebe
Abasabalalisi banjengabazali, kudingeka sihlinzekesiphinde sinakekele labo ababheke kithi. Ngikholelwa ekwenzeni izinto ngendlela ye-BBB. Ngiyakwazi ukubaluleka kokudlulisela ithuba kubantu abangakezwa lutho ngaleli bhizinisi futhi ngilibheka njengelibalulekile. Ngiyakuqonda nokubaluleka kokukhuthaza labo abasebhizinisini kodwa abangaqhubi kahle, noma labo abacabanga ukuyeka ngenxa yezinselele ababhekene nazo. Ukuba kuleli bhizinisi kudinga ukuba ube nesineke ngoba ukusebenzelana nabantu akulula, sonke sihlukile ngakho ngeke sivumelane ngaso sonke isikhathi noma sibheke izinto ngendlela efanayo. Ngiye ngakhuphula Abaphathi Nabasabalalisi abaningana kusukela ngilapha e-BBB. Yiba nesineke kuwe nasebhizinisini lakho, kuthande lokho okwenzayo, futhi ibhizinisi lakho lizokhula.
Umsabalalisi Funda
Ubambisana okuqinile kuholela empumelelweni
Ubambisana okuqinile kuholela empumelelweni
U-Cairo noNkhensani Mongwe
U-Cairo nomkakhe uNkhensani Mongwe bakha iqembu eliqinile. Bahlala eTzaneen, eSifundazweni saseLimpopo futhi bebelokhu besebhizinisini le-Botle Buhle Brands kusukela ngo-2006. "Ngesikhathi umkami ejoyina ibhizinisi sasisebenza sobabili. Ngangisebenza enkampanini yezezimali futhi yena enakekela ihhovisi enkampanini ayekuyo. Sasinendlu ye-RDP kanye nezindlu ezintathu zotshani. Sasisebenza sobabili kodwa sithwele kanzima ngokwezimali," kusho u-Cairo. Ngokuzikhandla nangokusekelwa umyeni wakhe, uNkhensani wakhuphuka waba umphathi ngo-2011. Kamuva u-Cairo, owayelijoyinile ibhizinisi ngisho noma ekuqaleni ayethi "yibhizinisi lomama," naye wakhuphuka waba umphathi. UCairo uthi "imfihlo yokuphumelela ukusebenzisa ithuba i-Botle Buhle Brands ekunika lona ngokugcwele." Uyenezela, "Sazibambela mathupha ibhizinisi lethu. Ngokufaka abantu abengeziwe nangokudayisa sakhula sisuka kubaphathi abane saya kwabangu-28 futhi sesizokhuphula umsabalalisi omusha." I-Botle Buhle Brands ibanike ithuba lokuletha ushintsho emphakathini ngokuvula amathuba emisebenzi nangokushintsha ukuphila kwabantu. Namuhla banethimba labantu abangaphezu kwenkulungwane. "Silwa nobubha phakathi kwabantu bakithi futhi sishintsha nokuphila kwethu. Namuhla sinendlu enamagumbi ayishumi kanye nohide lwezimoto zebhizinisi nezethu. Nge-Botle Buhle Brands noma ubani angashintsha ukuphila kwakhe kube ngcono," kusho abakwaMongwe.
Umsabalalisi Funda
Amandla okukhuthazela
Amandla okukhuthazela
Tebogo Pharasi
Ngaphambi kokuba ngijoyine i-BBB eminyakeni engu-15 edlule, ngangisebenza emayini. Iholo lami lalihluleka ukunakekela umndeni wami, ngaphezu kwalokho ngabe sengidilizwa emsebenzini. Ukungakwazi ukunakekela umndeni wakho, kungakwenza ulahlekelwe yisithunzi sakho, inhlonipho nedumela. Inkosikazi yami eyashona kanye nezingane zami babengihlonipha ngisho noma ngangibhekene nakho konke lokhu, kodwa ukwehluleka ukubanakekela kwangenza ngazizwa ngingenamandla. Ngosizo lwe-BBB, manje nginebhizinisi lami, nginakekela umndeni wami futhi ngingumholi emphakathini. Nge-BBB, manje ngishayela i-Toyota Hilux yamuva kanye ne-Mercedes Benz. Ngiye ngaqasha nabantu abadinga umsebenzi futhi ngafaka nabanye abebedinga amathuba ebhizinisi. I-BBB yenze ukuphila kwaba kwaba ngcono futhi ukujoyina ibhizinisi kube yisibusiso ekuphileni kwami.
Umsabalalisi Funda
Ungadlali ngethuba, lisebenzise
Ungadlali ngethuba, lisebenzise
U-Miranda Machedi
U-Miranda Mechedi wajoyina i-Butle Buhle Brands ngo-2008 lapho eqhubeka nebhizinisi ayelithatha kunina owayeseshonile. "Ngagqugquzelwa ukubona imali umama ayeyenza e-BBB nangenxa yokuthi ngiyazithanda izinto ezinhle ngakho nganquma ukujoyina. Ngaphambi kokujoyina i-BBB ngangiphila kodwa hhayi ngendlela engangiyifuna. Ngangifuna okwengeziwe, ngangifuna impilo enhle," esho. "Ngesikhathi umama eshona ngenziwa umphathi ngabe sengizimisela ukuba ngiphumelele kuleli bhizinisi. Angikwesabi ukusebenza kanzima, ngakho yilokho engakwenza, ngazikhandla. Ngosizo loMsabalalisi wami kanye nabanye abaphathi ngafunda okuningi ngebhizinisi. Ngabuza kwabanye abaphathi abaphumelele ukuthi benza kanjani futhi angizange ngidlale ngethuba. Ungadlali ngethuba, lisebenzise. Ungahlali enhluphekweni usonge izandla. Sebenzisa ithuba le-BBB ukuze uzenzele okuthile ekuphileni kwakho. Yeka ukukhononda, 'vuka usebenze.' Kusebenzele kanzima lokho okufunayo, unalo ikhono. Zikhandle kokwenzayo nokufisayo ngoba ngeke ukuthole ngokufisa kuphela, ukuthola kuphela ngokusebenza. Thatha isinyathelo manje ngoba kusasa kungabe sekwephuzile," kuxwayisa uMiranda.
Umsabalalisi Funda

Thuthukiswa nawe uthuthukise abanye

Joyina

Bhalisa ukuze uthunyelelwe

thola okwakamuva.
+27